ગોવર્ધન વિષેની આ 9 વાત તમને ગૂગલ નહિ જણાવે પણ તમારે જાણવી જરૂરી છે

0
100

આપણે બધા જ એ દંતકથાથી વાકેફ છીએ જેમાં કૃષ્ણ ભગવાને તેમની ટચૂકડી આંગળી પર ગોવર્ધન પર્વત ઊઠાવીને ઈન્દ્રનું અભિમાન તોડ્યું હતુ. કૃષ્ણના જન્મસ્થળ મથુરાથી 22 કિ.મી દૂર આવેલો છે ગોવર્ધન પર્વત. તે વૃંદાવન અને મથુરા બંનેથી નજીક પડે છે અને અડધાથી એક કલાક દૂરી પર આવેલો છે.

આ બધી જ માહિતી તમને ગૂગલ પર મળશે પણ તમે જો અહીં જવાનું વિચારતા હોવ તો અમે તમને એવી કેટલીક બાબતો જણાવવા જઈ રહ્યા છે જે તમારા માટે જરૂરી છે અને અહીંના પ્રવાસમાં તમને ખરેખર ઘણી કામ લાગશે.

તાજ એક્સ્પ્રેસ વે બન્યા બાદ દિલ્હીથી ગોવર્ધન ડ્રાઈવ કરીને જવાની ખૂબ જ મજા પડે છે. રસ્તા એટલા સ્મૂધ છે કે 140 ની સ્પીડે ગાડી જાણે હવામાં ઊડતી હોય તેવો અહેસાસ થાય છે. વળી રસ્તાની આસપાસ ઘણા ફૂડ કોર્ટ્સ આવે છે જ્યાં તમે ખાણીપીણીની મજા માણી શકો છો. મેક ડોનલ્ડ્સ, સીસીડીથી માંડીને પંજાબી ઢાબા સુધી બધું જ તમને આ હાઈવે પર મળશે.

અહીં તમે ટ્રક ડ્રાઈવર્સ જમે તેવા ચારપાઈવાળા ઢાબા પર જમશો જો જલો પડી જશે. તમે 100ની સ્પીડ પર કાર ચલાવતા હોવ ત્યારે આવા નાના-મોટા ઢાબા નજરમાંથી છટકી જાય તે સ્વાભાવિક છે. આવામાં ઢાબુ શોધવાને બદલે ટ્રક શોધો. જ્યાં ત્રણ-ચાર ટ્રક પાર્ક થયેલી હશે ત્યાં ઢાબુ હશે જ. અહીં પરોઠા અને માખણ ખાશો તો રજાની મજા બમણી થઈ જશે.

સ્વાભાવિક છે કે તમે પહેલીવાર ગોવર્ધન જતા હોવ તો તમે મનમાં વિશાળ પર્વતની કલ્પના કરી હોય. આખી દુનિયામાંથી લોકો 21 કિ.મીની ગોવર્ધનની પરિક્રમા કરવા આવે છે. પરંતુ ત્યાં જશો તો તમારે ખરેખર પર્વત શોધવો પડશે. એક વખતે ગોવર્ધન પર્વત ખરેખર વિશાળ હશે પરંતુ ખોદકામ અને ભૂસ્ખલનને કારણે હવે તે એટલો નાનો થઈ ગયો છે કે તે શોધવો પડે.

કોઈ તમને આંગળી ચીંધીને ન બતાવે ત્યાં સુધી તો ગોવર્ધન પર્વત કયો તે ખબર પણ નથી પડતી. વાયકા મુજબ શ્રાપને કારણે ગોવર્ધન નાનો થતો જાય છે. 8 કિ.મી લાંબો, બ્રાઉન અને સૂક્કો ભટ્ટ ગોવર્ધન તમે કલ્પના કરી છે તેના કરતા સાવ જુદો જ છે.

જો કે ગોવર્ધન યાત્રા સ્થળ હોવાની પવિત્રતા જળવાઈ રહી છે. આજની તારીખે અહીં ન તો દારુ મળે છે ન તો નોન વેજ ફૂડ. અહીંની હોટેલમાં મળતુ શાકાહારી ભોજન ખૂબ જ ટેસ્ટી હોય છે.

તમે ગોવર્ધન શો તો તમને જાતજાતના લોકો ભટકાશે. અહીંના મોટા ભાગના સ્થાનિક પુરુષો ચોટી રાખે છે, ઘણા હાથમાં માળા ફેરવતા જોવા મળશે, ભગવો પહેરેલા સાધુ ચિલ્લમ ફૂંકતા જોવા મળશે. સામે જે પણ વ્યક્તિ મળશે તે રાધે રાધે બોલી તમારુ અભિવાદન કરશે.

ધોતી-કુર્તામાં સાઈકલ રિક્શા વાળા મળશે અને તે તમને રસ્તામાં ગોવર્ધનની વાર્તા સંભળાવશે. આ સાથે જ ઢગલાબંધ ભિક્ષુકો પણ ભગવાનના નામે તેમને કંઈ દાન આપવાનું કહેશે. ગોવર્ધનમાં ખંડેલવાલ ચા વાળાની બોલબાલા છે. જે યાત્રી ત્યાં જાય તે અહીં ચા જરૂર પીએ છે.

આ વાત ઘણા ભક્તોનું દિલ તોડે તેવી છે પરંતુ ગોવર્ધન, મથુરા-વૃંદાવનમાં દર 100 મીટરે મંદિર આવે છે. અહીં હંમેશાથી ગાયોની પૂજા થતી આવે છે. અહીંની હવામાં તમને ચંદનની સુગંધ આવશે તો સાથે સાથે ચોતરફ પડેલા કચરાની વાસ પણ આવશે. એકબાજુ મંદિરનો ઘંટારવ સંભળાશે તો બીજી બાજુ બાઈકના લાઉડ હોર્ન્સ. ઘણા રિક્ષાવાળા 30 રૂપિયામાં લઈ જશે તો એવા પણ ભટકાશે જે એ જ રૂટના 200 રૂપિયા માંગશે. એટલે ગોવર્ધનમાં સારા લોકો શોધવા જરૂરી છે.

તમને ગોવર્ધનમાં ઊઘાડા પગે ચાલતા અને હરે ક્રિષ્ણાનો જાપ કરતા ઢગલાબંધ શ્રદ્ધાળુઓ મળશે. કેટલાંક એકલા આવે છે, કેટલાંક પરિવાર-બાળકો સાથે પણ આવે છે. ઘણા સાષ્ટાંગ સૂઈને આગળ વધતા વધતા 7 દિવસમાં ગોવર્ધનની પરિક્રમા કરે છે.

ગોવર્ધનની આસપાસ અનેક રિસોર્ટ્સ આવેલા છે તો વળી તમે રાતદીઠ 350 રૂપિયા ચૂકવીને કોઈ આશ્રમમાં પણ રહી શકો છો. તમને અહીં સાડી પહેરી અને ચાંલ્લો લગાવી ફરતી અનેક વિદેશી સ્ત્રીઓ પણ જોવા મળશે. આવી ઘણી સ્ત્રીઓએ તેમનું જીવન ક્રિષ્ણ ભગવાનની સેવામાં સમર્પી દીધુ છે.

જો તમને મનની શાંતિ જોઈતી હોય અને ખરેખર અંતર્મનથી ભગવાનને પ્રાર્થના કરવા માંગતા હોવ તો ગોવર્ધનના સૌથી ફેમસ ગિરિરાજ મંદિરથી દૂર રહેજો. આ મંદિર ભડભાડથી ભરેલુ છે. તેમાં વિવિધ પૂજા સર્વિસ માટે રૂપિયાના બોર્ડ લાગેલા છે. અમુક પૂજા માટે તો તમારે 71,000 રૂપિયા આપવા પડે છે. પૈસા આપીને કરાવવી પડે તે કેવી પૂજા છે? ગુરુ પૂર્ણિમાના દિવસે શક્ય હોય તો આ જગ્યાની મુલાકાત ટાળવી. આ દિવસે અહીં લાખો ભક્તોની ભીડ ઉમટે છે.

ગોવર્ધનની આસપાસ આવેલા આશ્રમોમાં નાના મંદિરો આવેલા છે. તમે આ મંદિરોમાં સંધ્યા આરતીમાં જશો, કે તેમના પૂજારીઓના શ્લોકોચ્ચાર સાંભળશો તો તમને ખબર પડી જશે કે મોટા મંદિરો કરતા નાના મંદિરોમાં વધુ શ્રદ્ધાથી ભગવાનની પૂજા થઈ રહી છે. અહીં પ્રવાસીઓની ભીડ ન હોવાથી તમે શાંતિથી એકાગ્રચિત્તે ભગવાનનું ધ્યાન ધરી શકશો.

નાના શહેરના માર્કેટમાં તમને અમુક વાર ગજબ ચીજો મળી જાય છે. અહીં માર્કેટમાં રંગબેરંગી વસ્તુઓ વેચતી દુકાનોની હારમાળા છે. ત્યાં તમે કેટલા મણકા ગણ્યા તેની ડિજિટલ ગણતરી રાખતી માળા પણ મળે છે. તમને લુંગી, ફાનસ, બાળ કૃષ્ણની મૂર્તિઓ, બેડમિન્ટન રેકેટ, અગરબત્તીથી માંડીને એલ્યુમિનિયમના વાસણો સુધી ઘણુ બધુ મળી જશે. આ બધુ જ ઘણું સસ્તુ પણ છએ. તમને શોપિંગ કરવા સાથે સાથે શુદ્ધ ઘીમાં બનેલી કચોરી ખાવાની પણ મજા પડી જશે.