જંગલમાં રહીને વનસ્પતિ આધારિત દવાઓ બનાવી દર્દીઓનો ઈલાજ કરે છે આ દાદી

0
67

‘જંગલની દાદી’ ના નામથી પ્રખ્યાત આ મહિલા તેમની યાદશક્તિના આધારે 500 જેટલી હર્બલ (વનસ્પતિ આધારિત) દવાઓ તૈયાર કરી શકે છે. આ મહિલાને દવાઓ તૈયાર કરવા માટેના વિવિધ ઉપાય યાદ છે. આ દાદીની ઉંમર 75 વર્ષ છે અને તેઓ લક્ષ્મીકુટ્ટી જંગલની એક ઝૂંપડીમાં રહે છે.

આ દાદી દવાઓ બનાવવાનું કામ તો કરે જ છે પણ આ સિવાય તેઓ કવિતાઓ પણ લખે છે અને સાઉથની ઈન્સ્ટિટ્યૂટમાં ‘નેચરલ મેડિસિન’ વિષય પર લેક્ચર આપે છે. તેઓ કલ્લારમાં ‘કેરલ ફોલ્કલોર એકેડમી’માં ટીચર છે. આ દાદીને વર્ષ 2018 માં પદ્મશ્રી પુરસ્કાર મળ્યો હતો.

આ દાદી અત્યારસુધીમાં હજારો દર્દીઓનો ઈલાજ કરી ચૂક્યા છે. વર્ષ 1995 માં જ્યારે તેઓને કેરાલાની સરકારે નેચરોપથી એવોર્ડ આપ્યો હતો ત્યારે દુનિયાને તેમની શક્તિનો પરિચય થયો હતો. આ દાદી જંગલમાં રહે છે અને તેમના તમામ પ્રયોગો પણ ત્યાં જ કરે છે. તેઓ જંગલના ફળ, ફૂલ અને વૃક્ષની છાલના ઉપયોગથી ઈલાજ કરે છે. તેમની ઝૂંપડી પણ હોસ્પિટલ જેવી છે કે જ્યાં દર્દીઓનો ઈલાજ કરવામાં આવે છે.

આ દાદી આઠમાં ધોરણ સુધી ભણ્યા છે અને જ્યારે તેઓ શાળામાં હતા ત્યારે દરરોજ 10 કિલોમીટર ચાલીને સ્કૂલે જતા હતા. તેમના 16 વર્ષની ઉંમરમાં જ લગ્ન થઈ ગયા હતા. આ દાદી જણાવે છે કે તેમની માતાએ દવા અને ઔષધીઓ બનાવવાનું શીખવ્યું હતું. આ દાદીને તેમનું દવા વિશેનું જ્ઞાન લોકોમાં વહેંચવું ગમે છે. તેમને અનેક એવોર્ડ મળી ચૂક્યા છે.

LEAVE A REPLY

Please enter your comment!
Please enter your name here