હંમેશા સ્વસ્થ રહેવું હોય તો ક્યારેય ના કરો આવી ભૂલો, જમ્યા બાદ ક્યારેય ના કરો આ ભૂલ….

0
242

એક મેડિકલ જર્નલમાં જમ્યા પછી કયાં સાત કાર્યો ન કરવાં એની વિગતવાર ચર્ચા કરવામાં આવી છે. જમવા માટે આપણા વડીલો એક સુંદર જોડકણું સંભળાવતા કે પાંચ ઊઠ, દસે ખા, પાંચે ખા, દસે સુ તો નેવું + નવ વર્ષ જીવું. એટલે કે સવારે પાંચ વાગ્યે ઊઠી જવું, દિવસમાં બે વખત જ જમવું અને રાત્રે ૧૦ વાગ્યે સૂઈ જવું જેથી શરીરના અવયવોને પુન: શક્તિદાયક બનવાનો અવકાશ રહે છે અને ૭ કલાકની શાંત નિદ્રા મળે તો બીજા દિવસે સારી સ્ફૂર્તિ રહે છે અને દિવસ દરમ્યાન ઊંઘ નથી આવતી. બે જમવાના ગાળા વચ્ચે સાતેક કલાકનો સમય થઈ જતાં પાચન પણ બરાબર થાય છે અને ભૂખ પણ બરાબર લાગે છે.

ખોરાક ખાતી વખતે આપણે ઘણી ભૂલો કરીએ છીએ. ડોકટરોના જણાવ્યા મુજબ ખોરાક હંમેશાં યોગ્ય સમયે જ ખાવો જોઈએ અને ક્યારેય તમારી ભૂખ પુરી ના સંતોષાય એ રીતે ખોરાક લેવો જોઈએ.ખોરાક ખાધા પછી, નીચેની બાબતોનું ધ્યાન રાખવું જોઈએ.

પાણી પીશો નહીં.ભોજન દરમિયાન અને ભોજન પછી તરત જ પાણી ન પીવું. ખરેખર ઘણા લોકોને ખોરાક લેતી વખતે પાણી પીવાની ટેવ હોય છે. જ્યારે કેટલાક લોકો ભોજન કર્યા પછી પાણી પી લે છે. જે સ્વાસ્થ્ય માટે હાનિકારક છે. ડોકટરોના જણાવ્યા મુજબ, કોઈએ ખોરાક લેતા સમયે અને તરત જ ખોરાક ખાધા પછી પાણી ન પીવું જોઈએ. હંમેશાં ભોજન પછીના ઓછામાં ઓછા અડધા કલાક પછી પાણી પીવો. એટલું જ નહીં, ઠંડુ પાણી ક્યારેય પીશો નહીં. ઠંડુ પાણી પીવાથી પાચનશક્તિ બગડે છે. તેથી હંમેશાં ખાધા પછી નવશેકું પાણી પીવો.

ચા અને કોફી થી થઈ જાઓ દૂર.ઘણા લોકોને ભોજન પછી ચા અથવા કોફી પીવાની ટેવ હોય છે. જેને યોગ્ય માનવામાં આવતું નથી. ડોકટરોના કહેવા પ્રમાણે, ખાધા પછી તરત જ ચા અથવા કોફી પીવાથી ખોરાકમાં રહેલા આયર્નનો નાશ થાય છે અને શરીરને પ્રોટીન મળતું નથી.

તરત સુઈ ના જવું.બપોરનું ભોજન કર્યા પછી જરા પણ ઊંઘ ન લો. હંમેશાં ખાધા પછી થોડો સમય ચાલો અને ઓછામાં ઓછા અડધા કલાક પછી સૂઈ જાઓ. તરત જ ખોરાક લીધા પછી લેવાતી ઊંઘ દ્વારા ખોરાક યોગ્ય રીતે પચવામાં આવતું નથી અને પેટમાં દુખાવો થવાની ફરિયાદો પણ થાય છે. આટલું જ નહીં, ઘણા લોકો ના પેટ પણ ફૂલી જાય છે.તેથી ખોરાક ખાધા પછી તરત સૂવાનું ટાળવું એ ભૂલશો નહીં.

ના પીઓ જ્યુસ.જમ્યા પછી જ્યુસ પીવુ એ યોગ્ય માનવામાં આવતું નથી અને આમ કરવાથી પાચનની પ્રક્રિયામાં અવરોધ આવે છે. તેથી, જમ્યા પછી તરત જ જ્યુસ અથવા પીણાં નું સેવન ન કરો. જમ્યા પછી ના તેના ઓછામાં ઓછા બે કલાક પછી જ્યૂસ પીવુ હંમેશાં યોગ્ય માનવામાં આવે છે.

ધૂમ્રપાન કરશો નહીં.ઘણા લોકો જમ્યા પછી ધૂમ્રપાન કરે છે, જે તેમના સ્વાસ્થ્યને અસર કરે છે. જમ્યા પછી ક્યારેય ધૂમ્રપાન ન કરવું અથવા દારૂ પીવો નહીં.

સાથે ઠંડા ગરમ ન ખાઓ.ખાતી વખતે ક્યારેય ઠંડી અને ગરમ વસ્તુઓ સાથે ન ખાઓ. ઘણા લોકો દહીં ખાધા પછી ઉપરથી દૂધ પીવે છે. જેને યોગ્ય માનવામાં આવતું નથી. દહીં અને દૂધ એક સાથે પીવાથી પેટમાં દુખાવો થાય છે. તેવી જ રીતે, પનીર પર દહીં, દૂધ, ચા અથવા કોફી પીશો નહીં.

તરત ના બેસો.લંચ પછી, લોકો તરત જ તેમની ખુરશી પર કામ કરવાનું શરૂ કરે છે. ડોક્ટરના કહેવા મુજબ, કોઈએ ભોજન કર્યા પછી તરત ખુરશી પર બેસવું ન જોઈએ. હંમેશાં જમ્યા પછી ઓછામાં ઓછા 10 મિનિટ ચાલો અને પછી જ ખુરશી પર બેસીને કામ કરો.

જમ્યા પછી ચાલવું ન જોઈએ.જમ્યા પછી જે દોડે છે તેની પાછળ તેનું મોત પણ દોડે છે. પછી ગ્લાન અને બીમારે ૧૦૦ પગલાં અને યુવાનોએ અને નીરોગીએ ૨૫૦ પગલાં ઘરમાં જ ચાલવું અને પછી ડાબા પડખે ૧૬  સ્વાસોચ્છ્વાસ, જમણા પડખે ૩૨ સ્વાસોચ્છ્વાસ અને પાછું ડાબા પડખે ૬૪ સ્વાસોચ્છ્વાસ એમ નોર્મલ સ્વાસ લેવા. એક સ્વાસ લીધો અને મૂક્યો એને એક યુનિટ કહેવાય એવા ૧૬, ૩૨, ૬૪ સ્વાસોચ્છ્વાસ લેતી વખતે એક મીઠી નીંદર આવી જશે. જે ૧૫-૨૦ મિનિટથી લઈ અડધો કલાકમાં પૂર્ણ થઈ જશે જે બીજા ૮-૧૦ કલાક કામ કરવા માટે બળ પૂરું પાડશે. જપાનમાં આ વામકુક્ષિની મહત્તા સમજીને હવે કમર્શિયલ ફર્મ્સ પ્રોડક્ટિવિટી વધારવા માટે પોતાના કામદારોને જમ્યા પછી વામકુક્ષિ માટે અનુકૂળતા કરી આપે છે. ગુજરાતી બહેનો જેમ ઘસઘસાટ સૂઈ જાય છે એ પ્રમાણે સૂવું નહીં. એથી વાત અને કફની વૃદ્ધિ થાય છે અને શરીર ભૂંડની જેમ વધે છે એવો આયુર્વેદમાં શ્લોક છે એથી જમીને તરત કામ પર ચડવું નહીં. વિચારવાનું કે વાંચવાનું કોઈ કામ ન કરવું જોઈએ.

જમ્યા પછી બેલ્ટ લૂઝ ન કરવો.આમ પણ કહેવાયું છે કે જેમની કમરની રેખા મોટી એટલી આયુષ્યની રેખા ટૂંકી. અને આપણે જેટલું જમીએ છીએ એમાંથી બે ભાગનું આપણા માટે હોય છે અને એક ભાગ ડૉક્ટરો માટે જમીએ છીએ. કારણ કે વધારે ખાઈએ તો જ ડૉક્ટર પાસે જવું પડે છે. આંતરડાને તો બ્લૉકેજ કે ટ્‍વિસ્ટિંગ થાય છે, પરંતુ બેલ્ટ લૂઝ થવાથી સારું ભોજન વધારે ખાવાનું મન થાય છે એટલે કહ્યું છે કે આહારને ઔષધની જેમ વાપરજો, નહીં તો એક સમય એવો આવશે કે તમારે ઔષધને આહારની જેમ વાપરવું પડશે.

જમ્યા પછી સ્નાન ન કરવું જોઈએ.જમ્યા પછી શરીર ઠંડું ન થવું જોઈએ એથી જેમ આઇસક્રીમ વગેરે ન ખવાય એમ સ્નાન કરવાથી લોહી, હાથ-પગ અને શરીરમાં ફરે છે એથી હોજરીને લોહીની જરૂર હોય છે એ પ્રાપ્ત નથી થતું.