પેનથી માંડીને કપડા સુધીઃ માત્ર આ બ્રાન્ડ્સની જ વસ્તુઓ વાપરે છે PM મોદી

0
38

વડાપ્રધાન નરેન્દ્ર મોદી દેશમાં હોય કે પછી વિદેશમાં, તેમની ફેશન સેન્સની અવાર-નવાર ચર્ચા થતી રહે છે. તે આટલી ઉંમરે પણ યુવાનો માટે સ્ટાઈલ આઈકન બની ગયા છે. તમને જણાવી દઈએ કે વડાપ્રધાન મોદી બ્રાન્ડ્સને લઈને ખૂબ જ ચૂઝી છે અને તે અમુક જ બ્રાન્ડની વસ્તુઓ વાપરવાનું પસંદ કરે છે. તેમાં તે ક્યારેય 19-20 ચલાવી નથી લેતા. જાણી લો, વડાપ્રધાન મોદી કઈ ચીજ કઈ બ્રાન્ડની વાપરે છે.

વડાપ્રધાન મોદી મોવાડો બ્રાન્ડની ઘડિયાળ પહેરે છે જે સ્વિઝરલેન્ડની ફેમસ બ્રાન્ડ છે. આ ઘડિયાળની રેન્જ 39 હજાર રૂપિયાથી શરૂ થઈ 1 લાખ 90 હજાર રૂપિયા સુધી પહોંચે છે. એક ખાસ વાત એ પણ છે કે વડાપ્રધાન મોદી ઘડિયાળ ઊંધી પહેરે છે અને તે ઊંધી ઘડિયાળને લકી માને છે.

મોદી પેન મોં બ્લાંની જ યુઝ કરે છે. આ જર્મનીની વર્લ્ડ ફેમસ બ્રાન્ડ છે. મોં બ્લાં યુરોપના સૌથી ઊંચા શિખરનું નામ છે. અમિતાભ બચ્ચન, બરાક ઓબામા, દલાઈ લામા, વોરેન બફેથી માંડીને અનેક પાવરફુલ લોકો આ પેનનો ઉપયોગ કરે છે. વડાપ્રધાન જે પેન યુઝ કરે છે તેની કિંમત 1 લાખ 30 હજાર રૂપિયા છે.

ચશ્માની વાત કરીએ તો આપણા વડાપ્રધાનને બુલ્ગરી બ્રાન્ડ પસંદ છે જે ઈટાલિયન બ્રાન્ડ છે. આ કંપનીનુ મુખ્ય કામ જ્વેલરી બનાવવાનું છે પરંતુ તે ઘડિયાળ, પરફ્યુમ અને હોટેલ બિઝનેસમાં પણ છે. આ ચશ્માની કિંમત 30 થી 40,000 રૂપિયા છે.

વડાપ્રધાન મોદી ટેક સેવી છે એ વાતમાં કોઈ શક નથી. તો તે સ્માર્ટફોન પણ સારામાં સારો જ વાપરતા હશે તે વાતમાં કોઈ શક નથી. નરેન્દ્ર મોદી iPhone યુઝ કરે છે અને તે તેના વેરિયંટ અને કલર્સ બદલતા રહે છે. તમે આ ફોટોમાં જોઈ રહ્યા છે તે iPhone 6s છે.

વડાપ્રધાન મોદી કયો ફોન વાપરે છે એ જાણી લીધુ છે તો હવે તે કયુ સિમ યુઝ કરે છે તે પણ જાણી જ લો. નરેન્દ્ર મોદી વોડાફોનનુ સિમ યુઝ કરે છે. 4G લોન્ચ થઈ ગયું તેના ઘણા સમય સુધી તેમની પાસે 4G સિમ નહોતુ. તેનો પુરાવો છે તેમના દ્વારા પોસ્ટ કરવામાં આવેલો આ સ્ક્રીન શોટ જેમાં 3Gનેટવર્ક ફૂલ દેખાડે છે અને બેટરી ઘણી ઓછી હોવાનું બતાવે છે.

તેમના ડિઝાઈનર કપડાની તો વાત જ શું કરવી? તેમના કપડા અમદાવાદના જેડ બ્લુના બિપિન અને જીતેન્દ્ર ચૌહાણ તૈયાર કરે છે. દોઢસો કરોડની આ કંપની એમ જ નથી ઊભી થઈ. એક સમયે બિપિન ચૌહાણ કપડાની દુકાનની બહાર શર્ટમાં બટન ટાંકતા હતા. તે 1989થી સતત વડાપ્રધાન મોદીના કપડા સીવતા આવ્યા છે. મોદી પોતે જ પોતાના સૂટનું ફેબ્રિક, કલર અને ડિઝાઈન સિલેક્ટ કરે છે. બિપિન ચૌહાણે મોદીનું એક ટોપ સિક્રેટ શેર કરતા જણાવ્યું હતું કે મોદી ત્રણ વાત સાથે બિલકુલ કોમ્પ્રોમાઈઝ નથી કરી શકતાઃ આંખ, અવાજ અને કપડા. આંખો માટે મોંઘા ચશ્મા પહેરે છે, કપડા મોટી કંપની પાસેથી તૈયાર કરાવડાવે છે અને અવાજનું ધ્યાન રાખવા ક્યારેય ઠંડુ પાણી નથી પીતા.

LEAVE A REPLY

Please enter your comment!
Please enter your name here