આ યોગાસન દ્વારા 10 મિનિટમાં છુટકારો મળશે ડાયાબિટીસ અને હાઈ બીપીની સમસ્યાથી

0
77

ડાયાબિટીસ એ આજની મુખ્ય સમસ્યા છે, હાલ તો નાની ઉંમરે પણ લોકોને ડાયાબિટીસના દર્દી જોવા મળે છે,ત્યારે આજે અમુક યોગાસન દ્વારા આપણે આપણો ડાયાબિટીસ કાબુમાં રાખી શકીએ છે, જેને આજે જોઈએ..

સારા સ્વાસ્થ્યની ઈચ્છા ધરાવતી દરેક વ્યક્તિ માટે યોગ કરવા જરૂરી છે, ખાસ કરીને તેવા લોકો જેઓ કાર્ડિયો એક્સર્સાઈઝ કરવાથી બચે છે અથવા તેમના માટે જેમને ડોક્ટરે હેવી કાર્ડિયો એક્સર્સાઈઝ કરવાની ના પાડી છે. યોગ એવી એક્સર્સાઈઝ છે જે દરેક કરી શકે છે. આ આસન યોગ્ય રીતે કરવામાં આવે તો શરીર અને બીમારીઓને કંટ્રોલ કરવામાં મદદ કરે છે.

ડાયાબીટિસ એવી બીમારી છે જેમાં ડાયટ કંટ્રોલની સાથે-સાથે એક્સર્સાઈઝ કરવી પણ ખૂબ જરૂરી છે. જે લોકો બંનેમાં બેલેન્સ રાખી શકે તેમને ડાયાબીટિસથી જલ્દી મુક્તિ મળી જાય છે. યોગ એવી એક્સર્સાઈઝ છે જે ડાયાબીટિસને હંમેશા કંટ્રોલમાં રાખે છે. ડાયાબીટિસના દર્દીઓએ ઓછામાં ઓછા ચાર યોગ કરવા જોઈએ.

પશ્ચિમોત્તાનાસન

આ આસન ડાયાબીટિસના દર્દીઓ માટે એકદમ જરૂરી છે. જો આ યોગને રોજની દિનચર્યામાં સામેલ કરી લેવામાં આવે તો જેને ડાયાબીટિસ થવાની શક્યતા છે જે પણ તેને સરળતાથી રોકી શકે છે. આ આસન પેટની તમામ તકલીફો માટે પણ ફાયદાકારક છે. જે પાચન સુધારે છે અને ઈન્સુલિનના સ્તરને વધારે છે. આ સાથે જ વજનમાં ઘટાડો, પેટની ચરબી ઘટાડે, ડિપ્રેશન ઓછું કરવાનું કામ કરે છે.

ધનુરાસન

બીજો યોગ જે ડાયાબીટિસના દર્દીઓની એક્સર્સાઈઝ લિસ્ટમાં જરૂરથી હોવો જોઈએ તે છે ધનુરાસન. આ આસન ઈન્સુલીનના સ્તરને વધારવાની સાથે-સાથે પેટની તકલીફોમાં પણ ફાયદાકારક છે. આ આસન કરોડરજ્જુના હાડકા માટે તેમજ હિપ્સ-ખભા માટે પણ સારુ છે. શરીરમાં એનર્જી લાવવા માટે પણ કારગત નીવડે છે.

અર્ધ મત્સ્યેન્દ્રાસન

અર્ધ મત્સ્યેન્દ્રાસન નાના આંતરજા તેમજ લીવરની સાથે-સાથે ડાયાબીટિસ માટે પણ ખૂબ ફાયદાકારક છે. આ આસન જઠર પર ધ્યાન કેન્દ્રીત કરે છે અને ડાયાબીટિસ માટે પણ ફાયદાકારક છે. ડાયાબીટિસના દર્દીઓને માસપેશિઓનો દુખાવો વધારે રહે છે આ આસન તેમાં લાભદાયી નીવડશે. કમરના દુખાવામાં પણ આ આસન કરવું જોઈએ.

શવાસન

ઉપરના ત્રણ આસન કર્યા બાદ શરીર થાકી જાય તે સ્વાભાવિક છે. તેવામાં આસન કર્યા બાદ આરામ કરવો પણ જરૂરી છે. શવાસન તેના માટે સૌથી બેસ્ટ છે. 15 મિનિટ આ આસન કરો. આ ચાર આસન એવા છે જે વ્યક્તિને રોગમુક્ત બનાવવામાં મદદગાર સાબિત થશે. નિષ્ણાતની દેખરેખમાં આસનને શીખીને રોજ 45 મિનિટ સુધી આસન કરો.

નોંધઃ આ આર્ટિકલમાં આપવામાં આવેલી ટિપ્સ અને સલાહ માત્ર જાણકારી માટે છે. જો તમને શરીરમાં કોઈ તકલીફ હોય તો ડોક્ટરની સલાહ લીધા બાદ જ આસન શરૂ કરવા.

LEAVE A REPLY

Please enter your comment!
Please enter your name here